تحدثت الفنانة دنيا المصري، عن كواليس تعاونها مع الفنان أحمد العوضي، ووفاء عامر، ورياض الخولي، خلال أحداث مسلسل “حق عرب”، الذي عرض في رمضان 2024.دنيا المصري: العوضي تميمة نجاحي ووفاء عامر ساندتنيوأشارت دنيا المصري،خلال حوارها مع الإعلامية يارا أحمد، في برنامج نجمك مع يارا، المذاع عبر شاشة قناة “هي، أنها تعتبر أحمد العوضي تميمة نجاحها، قائلة: “أحمد العوضي وش السعد عليا من وقت مسلسل ضرب نار، وهو قالي أنتي هتشوفي شخصيتك دي هتعمل إيه مع الناس، وكلامه فعلًا كان صح جدًا وزي ما قالي على شخصية سميحة في مسلسل حق عرب”.وأضافت: “أحمد ممكن يكون شايف فيا حاجات أنا مكونش شايفاها، بحب أذاكر معاه لأنه بيديني تفاصيل للشخصية بتحليها، اتبسطت بالشغل معاه أوي وأتمنى أشتغل معاه تاني”.أما عن تعاونها مع الفنانة وفاء عامر، فقالت دنيا المصري: وفاء عامر حبيبتي ووقفت جنبي كتير في اللوكيشن لأني كنت ساعات بقع وبنهار، كان بيبقى في مشاهد مرهقة جدًا وبلاقيها تقولي هتبقي بطلة وهتطلعي مكسرة الدنيا من المسلسل.كما أعربت دنيا المصري، عن حبها الكبير لـ الفنان رياض الخولي، قائلة: مشاهدي مع أستاذ رياض الخولي كانت من أمتع المشاهد اللي عملتها في حياتي، لأني بحبه وبحترمه جدًا على المستوى الشخصي لأني بحس أنه أبويا.دنيا المصري: انهارت نفسيًا بسبب حق عربوتابعت الفنانة المصرية: سميحة قلبتلي الدنيا ومكنتش متوقعة خالص أني هعمل الصدى ده، أنا تعبت في الشخصية دي جدًا جدًا وطلعت بالشكل ده للناس والناس صدقوها، الناس بتحسب أني سميحة بجد، والشخصية حققتلي نجاح كبير.وأضافت: أنا زعلت أوي لما خلصت تصوير الشخصية وآخر يوم تصوير تعبت جدًا، اتعلقت نفسيًا بالشخصية وأول ما قالوا فركش تعبت، ولكن الحمد لله بعرف أفصل بين شخصيتي الحقيقية والشخصية اللي بجسدها، الشخصية مبتأثرش على ولادي ولكن بتأثر عليا نفسيًا خاصة لما تكون شخصية أنا بحبها.واستطردت: سميحة أضافتلي كتير أوي وحسستني أني أخدت خطوة ثابتة في حياتي، وأن اللي بيتعب ويجتهد تعبه مبيروحش أبدًا، في ليالي كتير أوي من كتر الضغط النفسي كنت بنهار وبعيط وأن إزاي هعمل المشاهد الصعبة دي، وكل ده ربنا بيحوشه ووراني النجاح ونسيت كل التعب.يذكر أن برنامج نجمك مع يارا يعرض يوم أربعاء من كل أسبوع في تمام الساعة 10 صباحًا، وإعادة يوم الخميس في الساعة 1 بعد منتصف الليل، والبرنامج من إعداد مروة محمد ورانيا عبد اللطيف، على شاشة قناة هي.