حلت الفنانة دنيا سمير غانم ضيفة على برنامج بيج تايم بودكاست مع الإعلامي عمرو أديب على قناة MBC1 مساء أمس وكشفت الكثير من التفاصيل عن حياتها الشخصية.عن علاقتها بأختها إيميتحدثت دنيا عن علاقتها بإيمي وبينت أنهما دائما مع بعضهما بعد وفاة والديهما، كما أجابت عن سؤال عمرو أديب عن الفرق بينها وبين إيمي قائلة: "في حاجات فينا كتير من بعض زي حاجاتنا الإنسانية، حبنا واحترامنا للناس، حبنا لشغلنا، احترامنا إن احنا عايزين دايما نقدم حاجة كويسة، لكن ممكن نختلف في الطباع انا مثلا في الححقيقة هادية جدا إيمي لا، مع إن واحنا صغيرين كان العكس، إيمي مثلا عصبية جدا بس عصبيتها بتضحك زي الطفلة واخد جينات خفة الدم من بابي أوي".رامي رضوان أب مثالي جداطرع عمرو أديب سؤالا عن رامي رضوان وعن شخصيته في المنزل مع دينا وكايلا فأجابت: “رامي بصراحة أب مثالي جدا بس هي المثالية بتاعتو زيادة شوية وانا ابتديت اتعلم منو..والحمدلله هو داعم وإيجاب وبيسندني جدا وبيهتم بشغلي وبيسألني على تفاصيل الشغل”.عن فقدان والديهاوتطرق عمرو أديب لسؤال دينا عن محنة فقدان والديها وكم من الوقت أخذ الأمر معهما هي وإيمي حتى تجاوزتا هذا الموضوع فأجابت: “لأ هو احنا متجاوزناش لأن الموضوع مش سهل خالص”، وأضافت: “يعني أنا بعد التجربة دي اكتشفت أن الحزن ده مش زي ما إحنا بنوريهلكوا في الأفلام خالص يعني هو كل انسان بيحزن بطريقته، يعني أنا مثلاً بعد أهلي كنت عاوزه انزل اشتغل عشان أنا طول حياتي متبرمجة إن الفن يعني بابا وماما فـ وأنا بشتغل بحس انهم معايا فـ كنت عاوزه اغني وأمثل وأقف عالمسرح عشان احس أن الناس معايا عشان احس ان بابا وماما معايا ده كان ستايل حزني انما ايمي حزنها كان انها عايزه تفضل مع نفسها طول الوقت يعني احنا بالعافية خليناها تشتغل مسرحية في موسم الرياض انا بدمع كتير وببقا عايزه اعيط كتير بس بمسك نفسي وبتبسط وبقابل الناس وكل حاجة بس هما جوايا ومعايا”.