أعلن المطرب المصري "أبو"، تأجيل طرح أغنيته الجديدة "الحرب العالمية"، بسبب الأحداث الجارية في لبنان، وكان من المقرر أن يتم طرحها أمس الأربعاء.ووجه "أبو" من خلال مقطع فيديو، عبر حسابه الرسمي على موقع "انستجرام"، رسالة اعتذار للجمهور: "النهاردة كان المفروض تنزل أغنية الحرب العالمية، وأنا بعتذر لكم بسبب الأحداث الإرهابية اللي بتحصل من الكيان المحتل في لبنان".وقال "أبو": "بس ده برضه ياخدني لموضوع إن الفن سواء المرئي أو المسموع.. فيلم تمثيلية، لوحة فنية، أي كان نوع الفن، يعتبر النفس اللي بتاخده الناس بعد زحمة الحياة والتفاصيل والمشاكل اللي بيعيشوها في حياتهم اليومية، بيبقى الواحد عايز ياخد براح ونفس إن يروح يقرأ قصة أدبية أو يتفرج على تمثيلية أو يسمع أغنية أو يحضر حفلة".أبو: مش هقدر أنزل الأغنيةوكشف عن السبب الذي دفعه لاتخاذ قرار تأجيل الأغنية، فأضاف "أبو": "أنا اللي اخترت أأجل الأغنية دي بصفة شخصية بعد ما كان عندي مكالمات مع أصدقائي في لبنان، وشوفت إن الدنيا عندهم بجد صعبة.. حسيت إني مش هقدر أنزل الأغنية، بس ده مش معناه إن أي حد هينزل أي عمل فني غلطان في أي حاجة لأن زي ما قولت لكم الفن هو الحته اللي الناس بتروح لها عشان تهرب من صعوبة واقع الحياة"، مختتما أنه سيعلن خلال الفترة المقبلة عن الموعد الجديد لطرح أغنيته "الحرب العالمية".