شاركت البلوجر المصرية أسما شريف منير متابعيها عبر صفحتها الرسمية بموقع الصور والفيديوهات "إنستجرام" ألبوم صور تجمعها بالفنان عمرو جمال.وأشادت من خلالها بصداقتهما القوية، التي تطورت إلى شراكة في مجال العمل، إلى جانب كونه سبب تعرفها بزوجها.وكتبت أسما شريف منير في التعليق على الصور موضحة أسباب تقديرها للصداقة التي تجمعها بعمرو جمال: "ناس كتير وقفوا في طريقنا كأنهم بيحاولوا يهدّوا كل حاجة بنيناها. بس أنا وعمرو حكاية تانية خالص. إحنا مش بس أصحاب، ولا بس شُركا، إحنا عيلة واخترنا ده بإرادتنا. الناس بتقول إن النجاح محتاج ناس شبهك، نفس الروح، نفس الهدف، وإحنا فعلاً اخترنا بعض. ده احنا حتى برج الحمل زي بعض".وأضافت أسما شريف منير: "مامته بقت أمي، تهتم بيا كإني بنتها بالظبط، وأخواته أخواتي بجد، انتوا عارفين عمرو هو اللي عرفني علي جوزي، و هما الاتنين يعرفوا بعض قبلي بسنين، دي مش صدفه كده كده أنا بحب عمرو. لإني شوفته في كل حالاته، وشوفت أسوأ ما فيه، وبرضه قررت انه عيلتي. عارف عني كل حاجة، وهو نفس الحكاية".وتابعت: "اتخانقنا، وقطعنا بعض، ورجعنا تاني لاننا منعرفش منبقاش في حياة بعض وسافرنا سوا جوه مصر وبراها، اشتغلنا سوا على نفس الحلم، وعلى بعض كمان".واختتمت أسما شريف منير: "سهرنا، خرجنا، ضحكنا، وقعنا، وشدينا بعض لطريق ربنا سوا. جازفنا، وفتحنا "عالم تاني" والناس كلها قالت مستحيل. بس صدقنا في بعض وكفانا ده. ودلوقتي "عالم تاني" بيكبر بينا. أنا بحبك يا عمرو، وهفضل أختارك لآخر يوم في عمري".يمكنك متابعة أخبار وإعلانات مشاهير وكل ما يخصهم من محتوى حصري تجده فقط من خلال تطبيق سبيسيال الذي يعد تطبيق تواصل اجتماعي له مميزات خاصة ومتفردة عن غيرها، حيث يشمل بودكاست يوفر العديد من المزايا الفريدة حيث يمكن أن تطلق بودكاست مع أصدقاءك أو سماع آخرون، كما يوفر التعرف على مقتنيات المشاهير المختلفة.بـ نيولوك.. أسما شريف منير ترد على منتقديها والمتنمرين عليهاردت أسما شريف منير مرة جديدة على موجة الهجوم الشديدة التي تعرضت لها بعد تصريحاتها التي تحدثت فيها سبب زواجها الثالثأسما شريف منير ترد على منتقديهاو نشرت أسما عبر انستغرام مجموعة من الصور الخاصة بها و التعليقات التي و صلتها و علقت على الصور قائلة:"لكل شخص شتمني، تنمر عليا، أو أساء الظن بيا: أنا مش بزعل، ومش باخدها على قلبي، مش لأني ما بحسش، لكن لأني تعلمت إن القلوب اللي فيها نور، بتعفو، وبتعدي، لأن ربنا قال (والكاظمين الغيظ والعافين عن الناس والله يحب المحسنين)، أنا اخترت أبقىوتابعت أسما: "ربنا أمرنا نكون أرقى، حتى قدام الظلم (ولا تستوي الحسنة ولا السيئة، ادفع بالتي هي أحسن).. اللي بيني وبين ربنا عمره ما كان محتاج شهادة من بشر، واللي بيظن السوء، ربنا قال عنه (يا أيها الذين آمنوا اجتنبوا كثيرًا من الظن، إن بعض الظن إثم)، أنا مسامحة من قلبي، مش ضعف لكن قوة إني ما أخليش الحقد والزعل يسكن في صدري، وسايبة كل حاجة لربنا، لأنه قال: (فمن عفا وأصلح فأجره على الله)".رسالة أمل لكل امرأة وأضافت : "أنا عندي رسالة أمل، وبدعي من قلبي إن ربنا يكرم كل ست، ويشجعها تتجوز وتبدأ من جديد من غير ما تخاف من المجتمع، ولا من نظرات الناس اللي كده كده الناس بتصطاد الأخطاء، ربنا يعفينا منهم، ولا من الكلام اللي بيقول: مريضة، مستفزة، بجحة، وكلام كتير مالوش لازمة، كله اتبدل بحسنات، ربنا هو اللي بيختار ويعوض… مش الناس".لوك مختلف لأسما و ظهرت أسما منير في الصور عبر انستغرام بلوك مختلف حيث غيرت لون شعرها للون الأسود مع غرّة قصيرة و وضعت الـ “البوند” الأبيض و ارتدت جينز فاتح و أوف شولدرز باللون السماوي زواج أسما شريف منيروكانت أسما شريف منير أعلنت زواجها للمرة الثالثة وشاركت صورًا من حفل عقد قرانها بوجود والدها النجم شريف منير وأسرتها وأسرة العريس وعدد من الأصدقاء المقربين.