كشفت المطربة بوسي عن رأيها في أزمة لقب “صوت مصر” ومن المطربة المصرية الذي تستحقه.بوسي: انا مش مع موضوع الألقابوقالت بوسي في لقاء مع “عرب وود”: “أنا مش مع موضوع الألقاب، في الآخر كل واحدة وليها شكلها وستايلها وليها صوتها اللي تميزت بيه وأغانيها اللي تميزت بيها، كل واحد شايف إن المطربة اللي بيحبها هي دي صوت مصر وبقى في خناقات دلوقتي”.وتابعت بوسي: “بس هو السوق اللي بيحكم مين صوت مصر ولا مين رقم 1 أو 2 أو 3، بس مينفعش أنا أقول على نفسي إني صوت مصر لكن لأ السوق اللي بيحكم الموضوع دا”.بوسي: احنا محتاجين شيرين بتاعة زمانوخلال اللقاء وجهت بوسي رسالة إلى الفنانة شيرين عبد الوهاب قالت لها فيها: “أنا بعشق شيرين عبد الوهاب وبعشق صوتها ومستخسراها وبقول حرام اللي بتعمليه في نفسك، أنا مش عايزة اتدخل في حياتها الشخصية، لكن نصيحة من معجبة مش زميلة، إحنا محتاجين شيرين بتاعة زمان اللي كانت مركزة مع شغلها أكتر وكانت بتحب مهنتها وبتحب الغنا وبتحب شغلها وبتعمل حاجات حلوة تكسر الدنيا، ربنا يعملها كل الخير”.آخر أعمال بوسيعلى جانب آخر، شاركت بوسي في غناء أغنية جديدة مع الفنان أحمد عز في حملة إعلانية لصالح إحدى شركات الاتصالات.يشار إلى أن بوسي طرحت مؤخرا أغنية “زيه تاني”.أغنية “زيه تاني” من كلمات حسام حسنى وألحان مدين وتوزيع وميكس وماستر يحيي يوسف.يذكر أن بوسي شاركت في رمضان 2024 بتقديمها تتر مسلسل “أعلى نسبة مشاهدة” وأغنية “وبقينا في دنيا تلاهي”.