كشف الفنان المصري حسن الرداد عن تعاونه مع زوجته الفنانة إيمي سمير غانم، لفيلم جديد يطرح في موسم عيد الفطر.وقال خلال لقائه ببرنامج "حد النجوم"، تقديم ريهام السهلي، المذاع على قناة "دي إم سي": "اللي بيسأل عن إذا كنت أنا وإيمي وبيحبوا التعاون بينا إن شاء الله في حاجة جديدة فيلم بيجمعنا".وأضاف حسن الرداد: "بدأنا التحضير، السيناريو خلص حاليا بيتم اختيار باقي فريق العمل وهو فيلم كوميدي وفكرة جديدة وهيتصور بين مصر وكذا بلد وإن شاء الله ينزل في العيد الصغير".قصة حب حسن الرداد وإيمي سمير غانموكشف "الرداد" خلال اللقاء عن علاقته بزوجته إيمي سمير غانم وكيف بدأت قصة حبهما، قائلا: "إيمي دمها خفيف جدا وهي مش بتكون قاصده أنها تهزر أنا بحس أنها سمير غانم الصغير، وأنا شخصيتي بحب الحركة والموسيقى تبقى بصوت عالي وأسوق العربية بسرعة وفي البيت أرقص وأهزر هي عكسي بتحب تمشي بالراحة وصمت في العربية ومن هنا بيبقى في مواقف كتيرة بينا".أما عن بداية تعارفه على إيمي سمير غانم، فتابع حسن الرداد: "أنا في 2009 كنت بعمل مسلسل "ابن الأرندلي" وكانت أمي في المسلسل هي الفنانة دلال عبد العزيز، وقت تصوير المسلسل والدتها توفت ورحت أعزي وقابلت إيمي ودنيا وسلمت عليهم مكنتش أعرفهم قبلها، وبعد كده حصل 3 صدف قابلت إيمي مرة ماشي بالعربية في وسط البلد بالليل والدنيا فاضية ولمحتها، ومرة تانية داخل المسرح وهي خارجة منه، وتالت مرة أنا داخل المعهد عندي محاضرات وهي بتصور مسلسل، متكلمناش لكن الصدف دي حسيت أن هيكون في بينا حاجة مع أننا متكلمناش، لغاية لما رحت العزاء بدأنا نبقى أصحاب وشلة كبيرة وبدأنا نقرب من بعض وأنا بحب الضحك جدا وبحب الناس اللي تقعد وتضحك ولقيت دمها خفيف وروحها حلوة وبدأنا نقرب لبعض، مقدرش أقول في توقيت معين أن هو دا الحب، لكن في توقيت معين حسيت إننا منسجمين جدا وأن مينفعش نكون بعيد عن بعض".