تعود الفنانة هنا الزاهد للمشاركة بالموسم الرمضاني بعيد غياب 3 سنوات منذ آخر مسلسلاتها "النمر" مع الفنان محمد إمام.وكشفت هنا الزاهد تفاصيل مسلسلها الجديد المنتظر عرضه في رمضان 2025، وقالت في تصريحات صحفية: "اسم المسلسل الزواج سم قاتل مع المخرجة ياسمين أحمد كامل وإنتاج محمد السعدي وهيكون 30 حلقة، المسلسل هيكون مفاجأة، وهما لسه بيختاروا فريق العمل".وتابعت هنا الزاهد: "أنا متحمسة أوي أني هشتغل مع ياسمين عجبني مسلسلها "أعلى نسبة مشاهدة" هي شاطرة جدا وكل الناس اللي في المسلسل كانوا شاطرين".هنا الزاهد ودراما رمضان وقالت هنا الزاهد عن سبب غيابها عن دراما رمضان السنوات الماضية: "كنت السنين اللي فاتت بحب أكتر المنصات وكنت مبسوطة بـ"سيب وأنا أسيب" و"حلوة الدنيا سكر" و"أنا وهي" وكانوا شاغلني عن رمضان وكنت مكتفية بده بس حسيت يلا أعمل حاجة لرمضان".وإلى جانب مسلسلها لرمضان 2025، انتهت هنا الزاهد قبل أشهر من تصوير مسلسل "إقامة جبرية" الذي لا تعرف حتى الآن موعد عرضه، وتحدثت عن المسلسل قائلة: "مسلسل غامق جدا ودراما وسايكو وفيه جرايم مسلسل صعب وشخصيتي صعبة وحقيقية أنا بحب الحاجات دي جدا بحب الدراما أكتر".واختتمت هنا الزاهد: "عمري ما شفت نفسي كوميدية الناس شايفني في الحتة دي عشان الأعمال اللي بعملها فيها لايت كوميدي وبتكون أفلام عائلية".