"لو مُت هقول".. خالد الصاوي يكذب شائعة وفاته بسخرية

نفى الفنان خالد الصاوي، الشائعات المتداولة بشأن وفاته، والتي انتشرت خلال الأيام القليلة الماضية، وخرج بعض الجمهور يترحم عليه ويدعو له ويكتبون له التعليقات الحزينة على صفحته الشخصية على موقع فيسبوك.

خالد الصاوي ينفي أخبار وفاته وخرج خالد الصاوي، في مقطع فيديو نشره عبر حسابه الشخصي بموقع “إنستجرام”، قائلًا: “السلام عليكم، إزيكم يا أحبائي أنا سمعت إني مُت امبارح، جيت أطمن، خير في حاجة ولا إيه؟".

وتابع "على العموم بالنسبة للشخصيات اللي بيقولوا كده، موتوني 4 مرات من 4 سنين، وأحيانًا قالوا إن ولادي ماتوا، اللهم احفظنا طبعًا، بس أنا معنديش ولاد بصراحة”.

وأكمل خالد الصاوي: “مش هقول الناس دي نواياها إيه، لما تطلع إشاعة؛ يبقى عندك غرض، ولا أنت بلا شخصية!، واللي بتسمعه بتحطه على النت على طول!، طب أنت عارف إن ده ممكن يكون تأثيره سيء على الأهالي؟”.

وأضاف “ما علينا، أول حاجة الشخص اللي يعمل كده؛ ده كذاب، هو عايز لايكات، نطلع من الحساب بتاعه، وننبه الآخرين إنه بيكذب، وبأكد إني في الحاجات الضرورية جدًا والحساسة، لازم أطلع بتأكيد أو نفي، وتأكدوا يا جماعة، إن أنا لو مُت؛ هكون أول واحد يطلع ويقول”.

تفاصيل عن فيلم “المصيف” يذكر أن خالد الصاوي يشارك حاليًا في فيلم “المصيف”، والذي يجمع نخبة من نجوم السينما المصرية، وأقيم الاحتفال في إحدى مواقع التصوير بمنطقة الصليبة بالهرم، وتم تقطيع التورتة وإجراء لقاءات صحفية وتليفزيونية لنجوم الفيلم.

ويشارك في بطولته النجم عمرو عبد الجليل والنجم خالد الصاوي والنجمة نسرين طافش والنجم نبيل عيسى، إلى جانب أحمد ماجد وبسنت السبقي وعمرو العمروسي ومحمد العمروسي والنجم حجاج عبد العظيم، بالإضافة إلى مجموعة كبيرة من الشباب وضيوف الشرف حيث تم تجهيز موقع التصوير بكافة المعدات والتقنيات الحديثة لضمان تقديم عمل فني مميز.

حديث خالد الصاوي عن بعض النجوم يذكر أن خالد الصاوي قد كشف خلال لقائه ببرنامج «Mirror»، الذي يُقدمه الكاتب الصحفي خالد فرج عن تصالحه مع النجمة غادة عبد الرازق بعد سنوات من الخلاف.

وذلك بعدما أثار خالد الصاوي ، حالة من الجدل عبر منصات التواصل الاجتماعي خلال الساعات القليلة الماضية، وذلك بعد توجيهه عبارات عتاب لبعض النجوم، قائلاً:«مش واخد على خاطري من أي ممثل أو من أي نجم وعلاقتنا على قد الأفعال وردود الأفعال وخلاص، وهذا الكلام بالنسبة لتامر حسني أو كريم عبد العزيز أو أحمد السقا توقعت أن صداقتنا هتكون أكبر من كده ولكن علاقتنا هتبقى محددة، إحنا صحاب أوي في الشغل وبره الشغل براءة، وتامر حسني في مرة مستحملش تأخيري وزعلت».

ليرد عليه تامر حسني، قائلا: «يا عم خالد إنت صاحبي وحبيبي وتأخيرك عني مکانش شخصي، لو شخصي مكنتش هزعل واستناك سنه مش أسبوع، بس ده كان تأخير على كل الممثلين والمنتج والمخرج».

وأضاف تامر حسني : «يا ريتك قولتلي إنك زعلان على تليفوني من سنتين كنت جيت لحد عندك صالحتك والله معرفش إنك زعلان.. وبالمناسبة أنا اللي زعلان عشان كان نفسي تبقى معايا وإنت اللي اختفيت وعلى أي حال زعلك عندي بالدنيا وأول ما أرجع من السفر إن شاء الله هجيلك لحد عندك أصالحك».