انتشر مؤخرًا على مواقع التواصل الاجتماعي، مقارنة عقدها النشطاء بين الفيديو الداعم الذي نشره اللاعب المصري محمد صلاح للتضامن مع ما يحدث في فلسطين، ومداخلة الإعلامي المصري الساخر باسم يوسف مع الإعلامي بيرس مورغان، وتميز فيها بسرعة البديهة والذكاء والدفاع القوي عن القضية الفلسطينية بموقف واضح.المقطعين تمت إذاعتهم في يوم واحد، وحققا ردود أفعال وصدى عالمي واسع، لذا قارن النشطاء بينهما، قائلين إن "يوسف" كان موقفه أقوى وأفضل وتفوق على موقف "صلاح"، بينما اختلف كثيرون على موقف الأخرين معتبرين ما قاله لا يحمل إدانة صريحة للمجازر والجرائم النكراء التي تفعلها إسرائيل بغزة.ونشر كثيرون صورة الثنائي الكوميدية سويًا، وقارنوا بين موقفهما في الدفاع عن الأراضي المحتلة.باسم يوسف يرد على مقارنته بمحمد صلاحنشر باسم يوسف صورته مع صلاح، وعلق كاتبا عبر حسابه بموقع Facebook: "انا شفت الصورة دي في كذا صفحة مع تعليق: محمد صلاح متصور مع فخر العرب، ده غير بوستات تانية كتيرة جدا يا اما بتقارن لقائي مع الفيديو بتاعه او بتقلل و تهمش و تتريق على فيديو صلاح. طيب كذا نقطة:- المفروض في عالم طبيعي ان لعيب الكورة أو حتى الكوميديان يكونوا في الصفوف الاولى للدفاع عن القضايا الانسانية. ده دور الاعلام . و السبب ان اللي بيحصل غير كده ان الاعلام بيفشل في ده بل و بيزيد الامور سوءا فتتجه الناس للاشخاص الناجحين في مجالهم عشان يغطوا على فشل في مجال مش بتاعهم و ده اول السكة في اننا بنظلمهم معانا. صلاح لعيب كورة . لا يتدخل في السياسة من اول يوم. و لا ، احتفاله بالكريسماس مش رسالة سياسية. الاحتفال بأي مناسبة ده نشاط انساني بحت و لا يجب مقارنة صورة جنب شجرة كريسماس او حلويات المولد بوضع علم او رمز للتضامن. باسم يوسف: مقارنة فيديو صلاح بلقائي "ظلم بيِّن"- تعزيته في موت ملكة انجلترا هو ايضا فعل انساني و ليس سياسي. صلاح او اي لاعب كرة لو كان بيلعب في دوريات الخليج و لاقدر الله لو أمير او ملك او شيخ او حاكم الدولة او الامارة او المحافظة اللي فريقه بيلعب له توفاه الله كان حيكتب تعزية برضة لأن ملكة انجلترا عند الانجليز اللي بيلعب عندهم مكانتها في قلوب ناس كتير جدا زي مكانة هذا الملك او الامير في قلب شعبه. فده بروتوكول و ليس فعل سياسي.- مقارنة فيديو صلاح باللقاء بتاعي هو ظلم بين. لأن الكلام مش شغلة صلاح. و لأن طلاقة اللغة مش شغلة صلاح. لا صلاح حيعرف يتكلم و يحاور زيي و لا انا اقدر العب كورة زي صلاح. يا جدعان ده انا اكبر انجازاتي الكروية اني عملت تلات عمليات غضروف و انا عندي ركبتين اتنين بس!!!! ده انا خدت كباري بعدد شعر راسي. و لو على اللغة، صلاح ، اللي ما دخلش مدارس لغات زيي بيتكلم ايطالي. انا معرفش كلمتين ايطالي على بعض.- صلاح بالانجليزي المكسر و الاداء “الفلات” او المخطوف زي ما ناس وصفته، الاداء “الوحش” ده عمل ملايين التفاعلات و المشاهدات . كونه بقى ان :الكلام مايع ، مافيش ادانة واضحة، مسك العصاية من النص. قصف الجبهات مش دور صلاح خالص . و اصلا هو فيديو غير موجه لينا. و رب فيديو بسيط من غير عياط و من غير نرفزة و من غير شتيمة و من غير ادانات و شجب و عياط و دموع لكن يوصل برة و يغير صوت واحد ده ابرك بكتيرباسم يوسف يستنكر الهجوم على "صلاح"- واحد زي صلاح، ملهم لأجيال كتيرة قصة كفاح غير مسبوقة ، راجل بيتبرع في السر اكتر من العلن، فاتح بيوت انا و انتم مش عارفين عددها.، واحد زي ده نخسره ليه؟ عشان ما شفاش غليلك في قضية بقالها ييجي ميت سنة اعتى الانظمة و اكبر الدول فشلوا فيها؟ أتأخر؟ ياسيدي المهم انه وصل. مش قوي بما فيه الكفاية؟ اه بالنسبة لك ، لكن بالنسبة لناس كتيرة قوي قوي قوي دي ممكن يكون اول مرة يسمعوا فيها عن القضية. الدنيا برة غير خالص الوطن العربي عندنا بس ده له بوست لوحده.- فاكرين لما صلاح نزل صورته في القدس و كتب تضامن؟ اتشتم برضة. طيب لما يبقى عندنا واحد بوزن صلاح و كل شوية نشتمه عشان ماعملش اللي احنا عشمانين فيه، طيب على الاقل لو ما شجعناش صلاح مش لازم ندوس عليه. صلاح مش المفروض يكون هو هدف لغضبك.- انا مريت بالفترة دي: ساكت ليه، ما تعمل زي فلان ما تقول زي علان؟ كل واحد و ظروفه و حساباته . لا يكلف الله نفسا الا وسعها. كل واحد ادرى بالضغوط اللي عليه. بلاش نكون احنا كمان سبب زيادة في الضغط عليه.- في الاخر كل واحد و رأيه. كل واحد يحب و يكره اللي هو عايزه. لو حبيت صلاح او كرهته انت حر، البوست ده مش حيغير حاجة. و دي صورتي مع فخر العرب ، محمد صلاح.كما أرفق باسم يوسف تحديثًا لمن عاد وهاجم موقفه الداعم لصلاح من جديد لقاء باسم يوسف مع بيرس مورغانيذكر أنه خلال نصف ساعة فقط استطاع باسم يوسف مع الإعلامي بيرس مورغان، الرد على الأكاذيب المذيفة التي يدعيها الإعلام الغربي الذي تجاهل آلاف الشهداء الفلسطينيين إثر القصف الإسرائيلي عليهم باستمرار، وأشلاء الأطفال والرجال والنساء والشباب، ويزعم باستمرار أن إسرائيل هي الطرف المظلوم الذي يأخذ بثأره من "حماس"، ردًا على عملية "طوفان الأقصى"، ليرد باسم يوسف ويلقنهم درسًا جعل الإعلامي البريطاني غير قادرًا على الرد عليه ومحاورته.لقراءة أبرز التصريحات اضغط هنا