مي عمر تتحدث عن الخيانة الزوجية والبراندات.. بماذا اعترفت؟

حلت الفنانة مي عمر ، ضيفة على برنامج "بيت السعد "، الذي يقدمه الشقيقان أحمد وعمرو سعد، المذاع على قناة "mbc1"، وتحدث مي عن رأيها في الخيانة الزوجية، وعن عقدة البراندات كما فاجأت زوجها محمد سامي باعتراف على الهواء لأول مرة.

مي عمر: الست اللي جوزها يخونها تطلق طبعا

كشفت النجمة مي عمر عن رأيها في خيانة الزوج لزوجته، مؤكدة أنها ضد هذا الأمر تمام

قالت مي عمر: “الست اللي جوزها يخونها تطلق طبعا، لأن في وجهة نظري، اللي بيخون مرة هيخون كتير، صعب جدا حد يخون مرة واحدة، ولما الرجل بيخون بيكون في فجوة وكسر كبير صعب تصليحه، وهتفضل طول الوقت مجروحة منه وشاكة فيه، والاتنين دول مع بعض هيخلوا الحياة صعبة جدا، ممكن جدا يحاولوا يتجاوزوا الموضوع بس اعتقد إنه صعب”.

مي عمر: ممكن ألبس أي حاجة لو عجباني

وعن عقدة البراندات، قالت مي عمر: بصراحة، ممكن ألبس أي حاجة لو عجباني، براند مش مشهور لكن الفكرة أن فيه حاجات حلوة في براندات عالمية.

وتابعت: لما بيجي ألبس ملابس في المسلسل بيبقى على حسب الشخصية، فمثلًا شخصيتي في لؤلؤ كانت بتلبس شيك لأنها كانت مطربة، فالطبيعي ترتدي ملابس غالية جدًا، فأنا برتدي ما يناسب الشخصية اللي بعملها.

وأوضحت: لما قدمت شخصية نعمة الافوكاتو كانت الفكرة أني باحكي عن واحدة بتتعرض للخيانة من زوجها وبعدين بيحاولوا يقتلوها فبتطلع مماتتش، دي كانت الفكرة العامة للمسلسل، مكناش حددنا الطبقة الاجتماعية.

وأضافت مي: أنا كان نفسي أقدم حاجة مختلفة، اقترحت على محمد سامي إني أقدم شخصية شعبية، فوافق ولكنه قال لي مش عايز ميكب خالص، وافقت طبعا، وقلت أول لما الناس تشوفني في الشخصية إني هانتقد على شكلي لكن قلت مش مهم أنا عايزة أقدم شخصية حقيقية.

وأكملت: فوجئت أن الناس انبسطت من الشخصية وردود الأفعال كانت جيدة جدا عليها.

مي عمر تفاجئ محمد سامي بهذا الإعتراف

فاجأت مي عمر محمد سامي على الهواء في البرنامج باعتراف، وقالت: محمد ميعرفش المعلومة دي ولسة هيسمعها دلوقتي، أنا كنت بركن عربيتي أول امبارح من يومين، وعربية محمد كانت راكنة ورايا خبط عربيته، يعني ريحت سنه عليها".

وأضافت: "أنا بعمل حوادث عربيات كتيرة عندي حادثة بعملها كتير هي نفس الحادثة بكررها، وهي اني بسرح وأنا بسوق وأخبط في اللي قدامي، وبعمل حوادث وأنا بركن العربية".