كشفت الفنانة نيللي كريم تأثير بعض الأدوار التي قدمتها عليها وعلى نفسيتها ومن بينها مسلسل"ذات" و"سجن النسا".ندوة عن علاقة الدراما بالمجتمع وقالت نيللي كريم خلال ندوة ضمن مهرجان الجونة بعنوان "علاقة الدراما بالمجتمع والجمهور" : "لما كنت بعمل مسلسل بنت اسمها ذات كان في مراحل عمرية والمسلسل دا لظروف ما قعدنا نصورة لفترة طويلة وصلت لستين أنا كنت بتشغل وبصور ومش وأخدة بالي في يوم كنت بلبس حاجات عشان أزود وزني وأنا رايحة الاستديو لمحت مراية وأنا عادة بلبس بسرعة ومش باخد بالي، بصيت في المراية قلت هي مين دي قربت أكتر اتخضيت ورجعت الأوضة وبتديت أعيط".ذكريات مسلسلات نيللي كريم وتابعت نيللي كريم: "الأستاذة كاملة المخرجة جاتلي وسألتني وأقولها مش عارفة أنا اكتئبت وعيطت وحسيت إن دا مش أنا فطلبت مني أروّح ولأول مرة فركشت التصوير في حياتي بعدها روحت البيت ولبست الجينز بتاعي عشان أتأكد إن مقاسي هو نفسه مش زي الست اللي شفتها في المراية وخرجت عشان أرجع لنفسي".و عادت نيللي و استذكرت أيضاً موقف من مسلسل "سجن النسا" قائلة: "وقت تصوير مسلسل "سجن النسا" شخصية "غالية" كانت صعبة وفي مرة خرجت قابلت واحد صديقي سألني مالك قلت له مفيش، بعد فترة شفت صوري معته ووقتها كان تصوير المسلسل لقيت شكلي زي غالية، أنا بعد التصوير باخد وقت وبتأثر وبحب أسافر مثلا شهر اتخلص من الشخصية ولو في هدوم أو إكسسوار بتخلص منها". موقف إنساني بسبب “تحت السيطرة” كما استذكرت خلال الجلسة الحوارية موقفاً إنسانية بيّن لها أثر الدراما على الناس عموما فقالت: " بعد عرض مسلسل "تحت السيطرة" كنت واقفة بعربيتي بجيب سندوتشات، لقيت البياع بيقولي أنا مديون ليكي وعازمك، لأني عرفت أن ابني عنده أعراض إدمان وده رد بسيط لجميلك".