عادت أزمة الفنانة شيرين عبدالوهاب والفنان حسام حبيب إلى الواجهة من جديد، وذلك بعدما استغاثت شيرين من حسام حبيب واتهمته أنه يسرقها وأنها حولت له مبلغًا ماديًا ضخمًا، ما دفع الأخير للدفاع عن نفسه وتكذيب ما قالته الفنانة. تصريحات شيرين عبدالوهابالقصة بدأت عندما قالت شيرين عبد الوهاب، فى تصريحات صحفية اليوم:"أنا بستغيث من الناس، بصفتي أم عندي بنتين عايزة أفك رقبتهم من حسام حبيب، أنا مضطرة أغلب الوقت للسكوت بسبب تهديده وابتزازه وسيطرته الكاملة على بنتى خصوصًا خلال الفترة الأخيرة، وأنا حولت حسام حبيب مبلغ قدره 10 ملايين جنيه، وقضيت الفترة الماضية من حياتي بين البكاء والخوف".وتابعت "حسام واخد مني عربية رانج روفر ماركة 2008 باعها، بالإضافة كمان إلى ساعتين روليكس، دا غير إنه كسر الخزنة بتاعتي اللي كانت في شقة في كومبوند، وطلّع منها التنازلات الخاصة بقضية شركة روتانا حتى دهبي كله خده مني".رد حسام حبيبومن جانبها رد حسام حبيب: “طبعًا أنا خجلان من اللي بيحصل، ومش عارف أقول إية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها إنها حولت لي مبلغ مالي، مكتوب فيها غرض التحويل لزوج، فأول حاجة كدا هل أنا زوجها؟ !!، ثانيًا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها؟!، يا هي بتكدب لما قالت اننا إطلقنا يا هى بتكدب على البنك وقالت إني زوجها وحولتلي الفلوس”وأضاف حسام حبيب، مشاركًا لصورة من محموله: "شيرين عبد الوهاب دمها بقا تقيل والمرة دي بجد هحبسها، وهي قررت النهاردة انها تقول الكلام دا لإنها عمالة تتصل بيا لحد إمبارح بليل عشان نرجع لبعض، وأنا مبردش عليها، عشان انا رافض نرجع لبعض تاني بعد كل اللي حصل آخر مرة لما الأمر وصل للنيابة والموضوع كبر، وفي الأخر عشان أنا زهقت عملتلها بلوك".وتابع حديثه: "الموضوع مش بالعافية أنا مش عايز أرجع لها، وأنا اللي في سجن وعايز أتحرر منه، أنا اللي تعبت وأستحملت إهانات بقالي سنين على حاجات محصلتش من الأساس، وعمري ما أشتكيت ولا أتكلمت ولا دافعت عن نفسي عشان ميطلعش شكلها وحش، بس خلاص كدا أنا فاض بيا، وكل حاجة هتتقال للناس زي ماحصلت بظبط، أنا عمري ماطلعت أسرار حد برا ولا عمري كنت هعمل كدا".